ENCONTRO CON FRAN ALONSO

Chegou ao noso cole Fran Alonso para falarnos principalmente da súa obra "Cidades".

O libro,  resultounos unha lectura moi entretida, pero nada comparado co ben que nolo pasamos cando Fran Alonso empezou a falarnos... a lernos... a contarnos..., parecía "MÁXIA".

 

Recoñecido e unanimamente aplaudido, "Cidades" converteuse nestes anos nun referente da poesía infantil debido, segundo a crítica, á súa vocación de actualizar temas e formas. No libro, entrañable e intimista, a cidade convértese nun ser vivo, o asfalto adquire vida, e a soidade e a rutina énchense de cores, olores e sabores. A través dun alento poético fondo e sincero, descúbrenos a emoción que latexa nas rúas e deita unha ollada tenra e rebelde sobre a vida desde a óptica da infancia e adolescencia. Cidades é unha porta para que todos entremos na poesía.

CEIP "A PONTE" OURENSE by Slidely Slideshow
 

...Non queriamos que se acabase "O ENCONTRO CON FRAN ALONSO"!!!

 

 Enlace onde podes atopar a biografía, obra, recursos didácticos dos seus libros, e entrevistas a Fran Alonso

ENCONTRO CON ALFREDO GÓMEZ CERDÁ

 O escritor que nos visita esta vez é Alfredo Gómez Cerdá, e o libro que lemos é "Barro de Medellín".

Contounos que cando escribe concéntrase moito no que está facendo e non pensa máis nada que niso. ¡Que dificil! Tamén nos dixo que desde moi pequeno xa pensaba en ser escritor.
 E sabedes cal é o libro co que máis premios conseguiu e fixéronse máis de 40 edicións "Barro de Medellín" con el gañou o "Premio Ala Delta" e o "Premio Nacional de Literatura".
 Levamos os libros que leramos del e asinóunolos a todos. Tamén asinou e dedicou algúns libros que del tiñamos na nosa Biblioteca .Foi moi amable.
 Para terminar díxonos que si conseguira que todos nos afeccionásemos un pouco máis pola lectura iríase moi contento

É unha historia que ejemplariza o amor polos libros de moitos mozos. Son os sentimentos e os valores os que fan universal esta historia de afecto, lealtad, complicidade, coraxe, soños, ilusións e amizade, destacando valores como o da cultura como táboa de salvación

 

 

 

 

Si picas aquí, poderás entrar na súa páxina oficial, onde atoparás a súa biografía, obras, fotos, noticias, etc

ENCONTRO CON MANUEL RIVAS "O RAPOSO E A MESTRA"

 

O 28 de abril, Manuel Rivas presentou no IES Blanco Amor a súa novela infantil "O RAPOSO E A MESTRAS", e nós estivemos alí!!!

 

 Música, literatura e un pouco de teatro mesturáronse  dando forma ao explosivo cóctel no que se converteu a presentación da nova novela infantil de Manuel Rivas. Cun público totalmente entregado, o escritor levou a un escenario o argumento do libro.
 

 

Con ilustracións de Jacobo Fernández Serrano, O raposo Pindo é un raposo solitario, que sabe as falas de todos os animais e as persoas; segundo se di é fillo do lobo Petiso e a raposa Meiga.

 Pindo, ten dúas peculiaridades: a primeira é que, contemplando como o sol se poñía no mar, conseguiu o poder de hipnotizar aos demais animais do bosque. E a segunda é que sabe imitar as linguas dos humanos e os sons doutras especies.
 

 

Imposible non collerlle cariño a este raposo raposeiro que sabe de todo e que ten tantos poderes, que é tan presumido e tan argalleiro, que sabe soñar, e que sabe aprender. Como aprende a mestra con el.

Por iso é polo que, na escenificación que protagonizó Manuel Rivas, acompañálle un dos músicos da Roda. Ambos reproduciron eses sons e interpretaron cancións populares en distintos idiomas que aparecen no libro, tanto en galego e español como en inglés e ata en alemán



Manuel Rivas. Biografía e obras AQUÍ. 

VIDEOCONFERENCIA CON RAFAEL ORTEGA DE LA CRUZ.

O día 25 os alumnos de 5º , e como actividade dentro deste mes dos libros, gozamos dunha videoconferencia, pero non só, era unha novidade, esta forma de encontro para nós, senón para o noso autor, RAFAEL ORTEGA DE LA CRUZ, do que tamén era a seu primer encontro con un cole, a través de videoconferencia.
Trátase dun mestre que segundo, él dice: "empecei polo ano 1970 a ir á escola e aínda sigo en ela ...aprendendo". E é que ademais do seu labor docente, Rafael é un apaixonado da mellor literatura infantil e xuvenil de todos os tempos.

Probablemente iso levoulle a crear as súas propias historias cun fondo cheo de matemáticas. As súas obras destilan literatura, aventuras e xogos matemáticos

 

 

O libro do que falamos, e que nós lemos é ," EL INCREIBLE VIAJE DEL CERO", o libro da colección "Lucía y Bruno" para o alumnado de 5º de primaria. Neste libro Lucía terá un mestre moi interesante: pensa que a linguaxe é moi importante nas matemáticas e que as mates non só están nos libros, senón no mundo que nos rodea. Ademais, o mestre conta misteriosas historias de tempos afastados, como a viaxe do cero ata chegar á nosa cultura. A sua ilustradora é María Luz Igolnikow.

 

Foi moi interesante. Estamos preparados para o próximo...!

ENCONTROS CON TERESA ZATARAIN, ESCRITORA DE CONTOS.

O pasado 10 de abril, os nenos e nenas de 5 anos, tivemos a ocasión de gozar dun encontro moi especial, veu ao noso cole a escritora Teresa Zatarain, estudou xornalismo, pero o que realmente lle gústa é escribir contos.    Contounos un dos seus libros "E deixou escapar os seus ollos", conversamos con ela sobre o seu libro, e sobre outras moitas cousas.    O conto, nárranos como Violeta se namóra na primavera, pero o seu amor non é correspondido, e vive triste. Debe esforzarse cada día por gozar das pequenas cousas que antes lle facían feliz, preservando o seu corazón dos amores incertos. Unha narración sobre a autoestima e a independencia afectiva. Outros contos de Teresa Zatarain: "O ti serás a miña flor", "Baixo un tellado nevado, en Nadal". Foi una"VISITA MÁXICA". Deixámosvos algunhas fotos da súa visita. 

ENCONTRO CON PERE TOBARUELA MARTÍNEZ, ESCRITOR

Desde que soubemos que Pere Tobaruela ía ser o noso invitado en "Encontros co Autor", estábamos desexando charlar con él, e comentarlle unha chea de cousas sobre a súa obra. Pere Tobaruela Martínez (Barcelona, 1965), Desde 2005 está instalado en Galicia.  é un escritor Licenciado en Xeografía e Historia, é autor de máis dunha cuarentena de obras, alternando a escritura en castelán, catalán e galego. Unha das cousas que máis nos gustou foi que escribise, indistintamente, nos tres idiomas. Sobre o que o leva a escribir en galego, pere opina: - Actualmente vivo en Galicia e o simple feito de vivir nun país cunha lingua propia leva consigo, para min, falar e escribir nesa lingua. É pura cuestión de lóxica, creo eu. De respecto tamén… Coñecer outra lingua, somerxerte nas súas palabras ábreche a mente, sérveche para valorar e ver o mundo desde outra perspectiva. Creces como persoa. E no meu caso pásao ben. Que máis se pode pedir?   Amante das tecnoloxías, está publicando unha novela por entregas na rede titulada "SEMPRE PERDEN OS MESMOS" Os seus incursiones na literatura infantil e xuvenil son abundantes; pero tamén publica comic ou ensaio. Nós antes de recibilo, leimos "O ENCANTO DÁ PEDRA CHÁ"   O autor de "O encanto dá Pedra Chá" basease nun poema de Rosalía, as ilustracións deste libro son de Daniel Xove Álvarez "O encanto dá Pedra Chá" é un poema no que un nobre cabaleiro enfeitiza unha rapaza con riquezas terreais. Ela cae na tentación e paga coa súa propia vida. Tres rapaces de hoxe, Luía, Xela e mais Bieito, visitan unha antiga posesión familiar cunha gran casa en desuso. Nun cuarto dá vivenda atopan unha lápida cunha inscrición na que se pode ler un anaco do poema de Rosalía. Ao carón dá lápida, hai unha porta que agocha un mundo misterioso e aparentemente silandeiro. Que pasa cando a ficción se fai realidade? Traspasa a porta con Luía, Xela e Bieito  ¡nós xa o comprobamos!                                              ¡ Foi un "Encontro" moi interesante!