MARÍA RAIMÓNDEZ: O XEITO DAS FROITAS.

Hoxe, aos nenos e nenas de cuarto de Primaria, visitounos a escritora María Reimóndez, veunos falar do seu libro "Ou xeito dás froitas", editado por Obradoiro- Santillana e ilustrada por Alicia Varela.

Na xuntanza María leu algúns anacos do libro, falamos dous temas do libro, a amizade, a autoestima, a convivencia ou desenvolvemento persoal, a empatía, a familia, a igualdade, a liberdade, ou respecto, a solidaridade..., contou as razóns que a levaron a escribilo e contestou as nosas preguntas.

Fíxonos reflexionar sobre moitas cousas.

Foi unha xuntanza moi entretida.

IRIA MISA: MAMÁ QUERO SER ZIGGY STARDUST

Hoxe 27 os mozos e mozas de 5º tivemos moita sorte, non só fomos O Liceo de Ourense, situado no Pazo da familia Oca-Valladares que é un dos pazos gótico-renacentistas máis importantes de Galicia, senón que ademais coñecemos á autora do ultimo libro que lemos.

A escritora baionesa Iria Misa que nos presentou a súa última novela, “Mamá, quero ser Ziggy Stardust”, ilustrada por Alba Barreiro, e que conta a historia de Aine, unha meniña de nove anos que non se identifíca co sexo e xénero asignado ao nacer e que sente unha admiración especial por todo canto representa a figura de Ziggy Stardust un músico marciano que podía ser todo o que lle dese a gana. Coa axuda de Thomas, ou seu inseparable amigo imaxinario, ía lograr.

Grazas por escribir este libro, gustounos moito, coidamos que é un libro necesario e fantástico para dar visibilidade á diversidade.

Pasámolo xenial

PAULA CARBALLEIRA: BRUXAS E FAMILIA

Que sorte tivemos! Paula Carballeira estivo hoxe no noso cole, cos alumnos de 3º, recibímola cun gran cartel, cunha das preciosas ilustracións do seu libro.

Esta vez o libro que nos presenta é “Bruxas e Família”, Paula anímanos a mirar ao redor con outros ollos para intentar comprender o mundo que nos rodea con toda a súa complexidade e beleza.

Ao acabar asinounos os libros que habiamos leido, pero como sempre que nos visita Paula Carballeira, sóubonos a pouco e xa estamos a desexar volver vela e escoitar e ler as súas historias. 

Grazas Paula!!!

Ata sempre.

RICARDO GÓMEZ GIL: "UN CHICO DIFERENTE"

Hoxe a os nenos e nenas de 5º veu visitar  RICARDO GÓMEZ GIL  o autor de  " Un mozo diferente" que nos conta o retrato de Samuel, que acaba de cumprir 10 anos e iso para el é motivo de profunda reflexión porque o resto da súa vida pasarao con dúas cifras. Samuel é un raparigo cunha síndrome de asperger, ou algún trastorno do espectro autista. E é un libro que nos permite pensar e entender que detrás das aparentes excentricidades de Samuel, hai un neno que quere ser feliz, que quere vivir coas súas teimas e que necesita apoio e agarimo constantemente. Se o pensamos detidamente, dámonos conta de que esas “diferenzas” non son tales á fin e ao cabo.

O libro está escrito en primeira persoa, Samuel reflexiona, entende e fai esforzos para integrarse na vida da súa familia e nas rutinas da escola. A psicóloga é quen o guía e quen lle marca as pautas.

“Un mozo diferente” é un libro espléndido, sen dúbida, por esa capacidade que ten Ricardo Gómez Gil de permitir que sexa Samuel quen se exprese, debuxe, pense e reflexione.

JORDI VILA DELCLÓS ilustra o texto captando as sombras, as escuridades que atormentan ao mozo e das que, dalgunha maneira, logra saír adiante. 

Unha historia que nos entretivo e fíxonos reflexionar. 

Moitas grazas Ricardo, esperamos volverche a ver de novo pronto.

ENCONTRO CON LEDICIA COSTAS: "ESCARLATINA, A COCIÑEIRA DEFUNTA", E "AS PERIPECIAS DE EXTRAVAGANZA PÉREZ"

Os alumn@s de 6º levan algún tempo traballando cos libros "Escarlatina, a cociñeira defunta" e "As peripecias de extravaganza Pérez", e onte tiveron a oportunidade de volver ver a súa autora, Ledicia Costas. Os rapaces demostraron ser moi fans da autora e, ademais de organizarlle unha recepción ao grande, demostraron ler en detalle ambos libros.

"Unhas lecturas moi sinxelas e fáciles de ler", cóntanos Ledicia.

As preguntas foron constantes, e os rapaces demostraron saber ben do que estaban falando. 

Pasaron en grande falando sobre libros...!!!

IAGO LÓPEZ: "O COCIÑEIRO MARTIÑO E AS CENORIAS DESAPARECIDAS"

Hoxe os nenos e nenas de 1º tiveron a visita de Iago López, o autor do libro que xa leron e que tanto lles gustou. É unha historia superentretenida onde se conta a festa de aniversario do rei, e o cociñeiro Martiño quere preparar a súa mellor torta de cenoria. Mais cando chega á horta... as cenorias desapareceron! Martiño vai necesitar moita axuda para que a torta chegue a tempo ao festexo. 

Foi un encontro moi entretido e o libro gustounos a tod@s moito.

PAULA CARBALLEIRA, "BRUXA E FAMILIA"

Este luns 21 estivo connosco Paula Carballeira, a autora do libro "Bruxa e Familia", con ilustracións de Lucía Cabo, que os nenos e nenas de 3º xa leran. Nós xa sabiamos que Paula era unha excelente escritora, pero coa súa visita démonos conta de que é unha fantástica contacontos. Contounos moitísimimas cousas sobre o seu libro e como creara os seus personaxes. Ao final asinounos unha dedicatoria nos nosos libros.

FOI XENIAL!!!