ENCONTRO CON MARCOS CALVEIRO

Os nenos e nenas de 2º de primaria coñecemos a Marcos Calveiro, o autor de "Raro" , o libro que todos xa lemos...
Marcos contounos como todos, por algún motivo, temos "rarezas", a súa é que utiliza calcetíns de distinta cor, e preguntounos polas nosas.
Tamén nos contou como, a pesar de ser un libro moi pequeno, tardou 6 meses en escribilo, e é o único que escribiu para nenos pequenos.
Gozamos moito deste escritor tan próximo, espontáneo e paciente con todas as preguntas que lle fixemos.
Marcos soubo achegarse a nós e rirse connosco.

 

Sempre lembraremos o luxo extraordinario de poder coñecer a un escritor da súa calidade!!!

ENCONTRO CON ÉRICA ESMORÍS.

Este 31 de marzo, tivemos a sorte de recibir no noso cole a Érica Esmorís, esta autora veunos falar do seu último libro "Nena e o mar" polo que recibiu o Premio Merlín de Literatura Infantíl 2015. Pero isto non foi todo, ademais fixémolo en moi boa compañía, convidamos os nosos veciñ@s do CEIP dá Antela de 6º curso, Que luxo!!!
Érica, contounos cousas dela, que naceu preto da praia, e que o mar, o sol e os libros é o que máis lle gusta , que estudou veterinaria polo seu amor aos animais; que admiraba a Pippi Langstrumpf...e un monton de cousas mais.
Érica contounos que "Nena e ou mar", é un relato de superación onde a desidia pode ser superada pola forza do amor.

 

Foi moi entretido, pasámolo xenial!!!

ENCONTRO CON JOAN MANUEL GISBERT

Desde hai anos, no noso colexio procuramos que os nosos alumnos e alumnas manteñan varios contactos con escritores, ilustradores e animadores de literatura infantil e, desta maneira, ao longo da sua escolaridad, teñan a oportunidade de coñecer a diferentes persoas que traballan en torno ao mundo da creación .
Con este tipo de actividades queremos fomentar o seu gusto pola lectura, a comprensión lectora e a creación.

Para comenzar este curso, tivemos a gran fortuna de que os alumnos e alunmas de 4ºe 6º celebrasen un encontro con Joan Manuel Gisbert, un dos máis importantes escritores do panorama actual da literatura infantil española, as súas obras foron traducidas a vinte linguas e obtiveron os premios máis importantes do ámbito nacional.
O autor naceu en Barcelona en 1949. Na súa adolescencia foi un lector voraz de Xullo Verne e un entusiasta da literatura fantástica. É un dos autores máis coñecidos e premiados da narrativa española para moz@s, na que ocupa un lugar indiscutible.
As súas obras caracterízanse por partir da experiencia cotiá para construír un relato fantástico e misterioso e para mergullar aos protagonistas, habitualmente nen@s, en mundos de fantasía e imaxinación. Para escribir os seus libros baséase en todo o que viviu.
Nalgúns dos seus libros, el mesmo actúa como protagonista.

Os nen@s de 4ºe 6º leron "Orión e os animais magos" antes de ter un encontro co seu autor.

Por fin íamolo a coñecer!!!

Desde o principio mostrouse bromista  e divertido e fíxonos unha exposición moi agradable. Relatounos como ía ideando aos poucos o que ía ocorrer nos seus  libros e como ata soñaba cos personaxes e en soños insinuábanlle o que tiña que escribir sobre eles.
Despois puidemos preguntarlle o que quixemos e  asinou os nosos libros.

Gisbert, seguirémosche lendo!!!

Ata pronto!!!